2017年6月1日 星期四

劍氣之爭 + 師父味皇兩篇文章分享

自從寫blog開始一直都有留意劍氣之爭(指d乜野唔使畫出腸啦), 成日覺得唔對路又唔知點去拆解呢個現象, 近日睇番師父(純粹係覺得佢教左我好多野所以叫聲師父, 冇其他意思)有兩篇文章寫得幾好, 可以幫到手去解釋呢樣野, 而家我試下係佢篇文之上加小小個人見解註釋一番, 拿, 帶左頭盔先,  我唔一定啱既, 只係想盡力elaborate多少少, 唔同意既可以留言討論, 不過如果專登黎找碴殺上重陽宮就過主, 你存心挑機係唔會越辯越明, 只會傷和氣
--------------------------------------------------------------------------------------------------------------------------
第一篇: http://realblog.zkiz.com/lgaim/18152

[財技]最好不代表最適合

話說有日曹操帶兵攻打大耳朵,孔明帶領趙雲同魏延迎擊,作戰由始至終都是魏延一個在打,孔明躲在帳中,趙雲留守晚晚陪佢捉五子棋,馬謖不解,問點解不派更善戰的趙雲出戰,孔明曰"此君鼻後有反骨,鼾聲如雷,魏延枕邊相陪,吾恐怕夜半尿頻,打仗行軍,不求大勝,退敵足矣,延若身死,可除一大害",魏延奮戰之下,曹操敗走,緣途留下衣履腳毛無數,後世為記念曹操,各地設立衣履墓腳毛塚無數,此為後話
這故事說明,有時做事做最好的選擇卻不會安樂,為求安樂而作出合格的選擇的人也是很多的,而且不選最好的亦可能包含了其他目的
抽象的故事就到此為止,現在用些比較實際的項目作例子:
--------------按: 如果冇興趣睇佢實際操作, 可跳至結論-----------------------
樓甲樓齡10年,賣100萬,租5厘,銀行按揭2.2厘,可借7成,首期連雜費35萬計,回報率如下:
35x5%+70x(5-2.2)%=37100=11%
樓乙樓齡30年,賣100萬,租7厘,銀行按揭2厘,可借7成,首期連雜費35萬計,回報率如下:
35x7%+70x(7-2)%=59500=17%
回報明顯乙好得多,一定要選乙,但味皇自己卻選甲,原因如下:
甲供30年每月2653,收租4167,現金流入1514,乙供10年每月6430,收租5833,現金流出597,假如味皇的供款限額是7000,買了甲後的供款餘額7000-2653+1514=5861,可以再買,買多4層都得,儲夠首期就得,而買乙只能買一層,4個掌門人加埋高過姚明,最後當然是甲賺得多,正如打格鬥game時連續技往往都時由輕招連成的道理一樣
又舉個基金同派息股票例子:
基金甲每年每股盈利上升25%,不派息,買入價100,買10000股
股票乙每年每股盈利增加10%,全派息,買入價100,買10000股,派10厘
以絕對回報計毫無疑問是買甲,但味皇會買乙原因如下:
假設味皇每年要10萬生活費,持有甲時味皇需要賣出持股來生活
                股數      年尾市值        生活費
第1年   10000        1000000         100000   
第2年     9000        1125000         100000  
第3年     8200        1281250         100000  
強積金就是此原理,可是這是25%成長的情況市值先有增加,股數還是會越來越少的,上例打和點是11%,回報不足11%就不能保本,會親眼看到坐食山空的情況,投資者看到的數字是組合的全部,有乜變化會好大精神壓力
如果第4年股價跌20%,下年回報原水平
                股數      年尾市值        生活費
第2年     9000        1125000         100000  
第3年     8200          820000         100000  
第4年     7200          900000         100000   
由於在低價賣股的影響是永久的,即使下年回升25%,市值也不過回升不足10%,如果跌太多時賣股,只是在縮短自己的退休壽命
同樣情況,但持有的是乙:
                股數       年尾市值        生活費
第1年   10000        1000000         100000   
第2年   10000        1100000         110000  
第3年   10000        1210000         121000
即使回報低於甲,但生活費每年上升,仲有餘錢剩,心理上有取之不盡的感覺,餘額可以投資或使用,至少有自由度
如果第4年盈利跌回上年水平,下年回報
                股數      年尾市值        生活費
第2年   10000        1100000         110000  
第3年   10000        1000000         100000
第4年   10000        1100000         110000
由於組合沒有變動,回復也是全回復,同甲相比,甲的市值有如過山車,乙由於只看重收入,就算幾十%數字上也不叫驚心動魄,心臟病人士至少不適合買基金
兩者如果都跌太多,都是死路一條,不過後者起身較快
由此可見資本增值即使比派息一方回報多,按回收的方式不同,會適用於不同的持有人,特別是心血少的人選資本增值型即使賺到更多錢,但可能會損害健康
簡而言之,不是最好的就一定要選用,次級的只要條件配合可能仲好用,投資是很個人化的事,成日問人點解買乜乜唔買乜乜指指點點其實幾失禮,自已喜歡就可以
------------------------------第一篇完--------------------------------------------
編按: 此篇提出左一個好重要既論點係投資方式本身要同個人性格夾得埋先得, 有d人喜歡親自選股, 有d人喜歡技術分析, 有d人喜歡揸ETF, 本身冇問題, 重點係你個性格本身係點, 承受到幾多風險
自己做唔到而人地做到既野唔一定錯, 點解有d bloggers會覺得人地做到係撞彩呢? 例如我份人細膽龜縮, 死買公用股收息股, 做唔到一注獨嬴恆大(3333)正常不過, 咁代唔代表係佢撞彩死好命呢(當然我唔排除有運氣成份), 唔一定啫, 可能佢有套方法去掘到呢d爆升股票我地唔知呢
當然我唔同意味皇話唔問人地買d乜野(按:我認為佢係指居高臨下說教既人, 同埋通常問得都炒大獲), 如果你想知道人地點樣做得到, 惟一一個方法就係問清楚, 雖然有機會惹起罵戰, 但唔問ge話只會更加俾自己既思想preoccupy, 到時只會更加令到自己更加cynical, 冇左學習令自己進步既機會
其實去睇多d唔同方法(尤其係你覺得同你意見相左果d)先最學到野, 例如我唔去問下市場先生點解買190既話,我係唔明超級折讓股既玩法, 了解左, 覺得唔好, 自己用唔到, 咪將自己既memory擺落資源回收筒delete左佢囉, 係未了解人地成套野之前踩到人地套野一文不值有乜謂呢? 就算佢係屎波都唔一定話你係高手, 最多係你叻過佢啦, 但你又講到人地咁屎波, 你個方法好過佢都冇乜出奇
總之有咩唔明你咪好聲好氣問下囉, 我地又唔係咩一派宗主全真教武學正宗, 問兩句最多俾人鬧冇面之嘛, 唔通好似金庸d武俠小說咁你同個價值投資者對掌人地退兩步你退兩步半有失身份?

第二篇: http://realblog.zkiz.com/lgaim/29864

[財技]BUY&HOLD


選到好股之後死揸,是一種高明的方法,表像而言確是這樣但正如比武一樣,兩方對峙時,到底是先攻的有利還是反擊的有利呢,有人說先手必勝,有人說不動如山,矛盾的兩方都有各自的道理,我們旁觀者卻只會認為其中一方是正確的,因為人類習慣性都是給予各自對錯之分,而不會認為兩邊都對或兩邊都錯,對的當然是勝利的一方
作為當時人,到底是動定不動,要睇自己的情況,如果是老鼠同烏龜的對峙,龜方面動比起不動冇好處,但點做最終都冇大危險,最多有些損傷,老鼠一方動卻是浪費起力,倒不如慳返啖氣暖肚,如果是毛蟲同螳螂的對峙,毛蟲點做都是錯,乖乖受死冇咁辛苦,螳螂一方不動就是錯了,不過之後肯動就得,如果是狗同鼬的對決,鼬是否先攻取決於有冇屁放,狗在進攻之前,最好先觀察一下,即使有機會會比佢走甩
BUY&HOLD實際是狗VS鼬時唔知點做時索性乜都唔做的情況,龜VS老鼠的情況也可以,在確定不作為會較有利,至少冇大副作用時,乜都唔做最好,好似老巴咁長揸幾十年,對佢又冇副作用,可能佢會答唔記得左,吹咩,如果突然換馬,都係確定人地冇屁放而已,那麼你是毛蟲時要點做?咪得玩衍生啦,未死過咩
在牛皮市時BUY&HOLD看似浪費機會成本,但比你機會就一定會賺錢嗎?是成本還是獎金始終是概率事件,在危機中能安然渡過的是烏龜,但現時又未算甚麼危機,雖然資產變動,比起早幾年,至少我們的工作是穩定的,危機都是失業率高的地方先好講,所以說如果是狗VS鼬的情況下,在觀察的過程中適當的挑釁一下也是可以的
味皇以前的中外運同中外航還記得嗎,當時2月份以27075蚊買入3.61的中外航7500股,之後大市反覆向下,至8月交易記錄如下
3.17X7500=23775(外航)   1.65X14000=23100(外運)+675 
1.75X14000=24500(外運)   3.05X8000=24400(外航)+100
3.15X8000=25200(外航)   1.76X14000=24600(外運)+560 
1.77X14000=24780(外運)   3.01X8000=24080(外航)+700
3.41X7500=27280(外航)   1.91X14000=26740(外運)+540 
1.95X14000=27300(外運)   3.19X8500=27115(外航)+185
之後因為味皇覺得航運業唔掂,所以最後賣曬..先唔講,比起當初3.61的中外航,最後跌至3.19,但味皇半年間手上的價值增至29875
具體方法是在兩者次間設定個轉換比率,不過這是有過大前提的,中外運同中外航味皇認為持有哪一隻都冇問題,即使是換左馬,味皇依然自問處於BUY&HOLD的狀態,至於轉換比率,可以根據估值或買入價,總之是自己接受的比率,如根據估值,可出現每次轉換都可以增加價值的心態,如根據買入價,可出現每次轉換都可以拉底成本的心態,在當時中外運X2同中外航還的情況,味皇的轉換比率在104-122之間,即是就每2股外運換1.04-1.22股外航,當時味皇用估價做根據,2股外運換1.09股外航,因此在市價偏離1.09股一定程度時就換馬,只要兩間公司都一齊牛皮唔是旦一間爆升,就可以一直玩落去,不過要在市價偏離的時候在家才可以
最近味皇也有咁做,今次是用買入價計,用在文軒同CTM上,味皇9月26第一次行動(暫時只做到一次,其他機會MISS左),換股比率隨意定為為2換1,差多過5%就換,於9月26號至今兩者的收市價偏差大的日子:
12/5  103%  11/16  93%   10/28  102%   10/4  87%   9/26  103%
股價反轉左起碼3次,食曬可增值33%,由於味皇設定的是95/105%,因此食一次就冇得食返轉頭,次次差少少(寫完呢篇文先發現,因此立即調整下心理價位先),不過實際上長期不動也不是問題,本來就是BUY&HOLD
*後記,寫完文當日將CTM以1.61/3.15換成文軒,大約102%
------------------------------------------第二篇完------------------------------------------
呢篇冇咩野好講, buy & hold本身要因時制宜, 同一本兵法書, 你可以讀到趙括咁屎, 又可以讀到白起吳起咁勁, 同一個鬼谷子教出黎既孫臏龐統都風格迥異, 個個都同你一樣就死得啦, 你肯定係80/20入面果80囉
有時做人open-mind少少, you should appreciate the difference among different bloggers
而家好攰, 講完收工

33 則留言:

  1. 要選自己相信的一套,不論買股買債買樓大籃籌定二三線,一有信心做起來就更易成功

    回覆刪除
  2. 古往今來,人的本性都是如此,遇見與自己觀念相異的行為與現象通常都本能上予以否定/反感。呢個時候其實可以表現到批評者與被批評者處事時/ 的心胸與智慧,馬上高下立見。每個人層次不一,自己應該反省選擇持有那種心態令自己能長遠得益與進步。

    回覆刪除
    回覆
    1. Tony所言極是, 早知你言簡意賅就不用寫那麼多字, 把你的留言置頂就可以了,只是感到不吐不快, 希望冇令你睇得太辛苦:)

      刪除
  3. 我個人不會抗拒任何投資法, 只會對一些資深投資者邏輯不清, 龍門不停搬反感.

    例子:
    (1) 有自稱價值派不停強調, 有股息當現金流, 股價不重要, 不需要太注意回報率的畸型理論
    (2) 不停搬龍門, 持有股票升左就話價值回歸, 坐貨就話愈下跌愈有價值.
    (3) 持有, 或不停買藍籌就話自己係價值投資

    回覆刪除
    回覆
    1. 等於劍宗, 氣宗兩派, 相信一個open-minded的投資者, 即使本身已選邊站, 都會開放態度去看看相反門派的功夫.

      但如果一個氣宗的人, 看一個劍宗出招時, 劍招不清, 毫無章法, 一時一樣, 相信會令氣宗, 什至劍宗自己的人都會反感.

      刪除
    2. 最大問題係呢個劍招亂晒既人士, 開班授徒, 不停播毒, 自稱拯救人類, 令人類可學真功夫, 相信有一定ethical standard的人, 也會看不過眼.

      p.s. 我不是指市場先生. 個人認為, 資產折讓法, 在香港市場可行. 特別是現在幾年的經濟環境, 能否永久通用? 我個人有保留. 不過, 也多謝他多年的sharing.

      刪除
    3. 多謝Joseph回應:)
      劍宗果邊有人的確是有人亂出劍招的, 對初學者教授獨孤九劍(很難讓初學者學習的方式)之後話咁咁咁一定得, 我是非常反感的; 同樣地把巴菲特一句半句說話刻舟求劍我也十分睇唔過眼

      刪除
    4. Joseph兄都算得上少數氣劍二宗都去得到的人了, 只是我不喜歡有很多有意思的討論因為某些blogger的態度問題而弄得鬧交收場

      刪除
    5. 果位資深blogger我想我應該知道是誰, 其實佢d野未必錯, 只係佢只把自己套功夫的好處到處講, 但弱點又唔講清楚, 搞到d人知d唔知d結果出事

      刪除
    6. 幾鍾意你同Joseph用氣宗劍宗做比喻。
      其實武功博大精深,野球拳練得好都好很勁,最緊要揀套岩自己。

      刪除
    7. 每個人都會因為自己的性格及經歷/教育develop出唔同方法,最重要互相尊重,求同存異,唔應該死咬某種方法錯誤

      刪除
  4. 個個都知九陽神功最勁,但是否個個都有悟性就是另一回事。多看多學不存偏見不存陰謀論,就可以了。學不到高級武功,就繼續扎馬,總好過走火入魔吧?

    回覆刪除
    回覆
    1. 不過這種討論同時也讓機器人會反思自己的方法是否有問題。

      刪除
    2. 有時學唔到最高回報的投資方法都冇辦法,至少自己要信心handle到自己所用的方法;千萬不要以為自己的方法就是最好的,透過討論或者睇多d同自己唔同既野刺激自己思維

      刪除
    3. 非常認同。機器人認為每個方法都有限制,無完美的方法,但有最適合的套路。

      刪除
  5. 職聞街市佬同法國佬有一個共通點:蝕唔再提
    有人提起就爆大技:無限補時等待價值回歸

    回覆刪除
  6. buy & hold 本身就好似一把刀, 佢係無分對同錯的, 問題出係用的人身上, 有人覺得就手有人覺得唔就手, 最錯係覺得唔就手的人夾硬用點知界到自己就賴把刀

    回覆刪除
    回覆
    1. 要找到適合自己的投資方法殊不容易,只有慢慢試以及小心試

      刪除
  7. 這麼熱鬧,我都說幾句.後生仔,何必如此容易動氣,除了大是大非問題,否則何必爭論不休,他又不是你上司,又不是你同事,吾見吾得,不喜歡可不看他的網誌,何必動氣

    回覆刪除
    回覆
    1. 我自己投資法也是亂晒大籠,全憑個人喜惡,但我亦不會忍瞞,你看過我的網誌便知

      刪除
    2. 我寫綱誌是當寫日記,主要是寫給自己看(奇怪些,但我說的是真話),所以有人陪我吹水就更開心,若無人認同,我都吾介意.

      刪除
    3. 因別人認不認同,對我身家增減,全無影響,我為何要動氣.

      刪除
    4. 多謝billy兄提醒, 我所寫的現象已經在不少blog出現, 有時看到好端端的討論被一二個blogger(自然非我的blog友, 因為他們應該覺得我呢類blog冇乜用冇follow我)騎劫變成圍爐取笑其他人, 我只是很不滿這個行為

      刪除
    5. Hutchison 的Blog友質素算不錯的了,眾多comment只有一個沒人回應就知道質素不錯了(笑)。

      刪除
  8. 但任何一位網友封筆,我都會可惜,因連選擇看吾看的權利也無了.

    回覆刪除
    回覆
    1. 一部分吧, 如果提出有意思的質疑當然冇問題, 但某些bloggers只懂得取笑別人我是感到不高興的, 如果只是三五日出文笑人既話不寫就算了

      刪除
    2. 心理上來說,他們可能達到一些減壓或者發洩情緒的目的,但就算你不喜歡也阻止不到,無為動氣,不值得呀!

      刪除
    3. 而且你愈動氣,他們可能就愈開心,吾好中計呀!

      刪除
  9. 所以小弟方法是價值投資為主, 其他如技術分析, 環球經濟, 企業管治等因素為輔助參考, 劍宗氣宗武功都學少少, 希望不會走火入魔

    回覆刪除
    回覆
    1. 我自己的"功夫"也學得很雜,自由兄的功夫也有板有眼,硬生生去區分自己為劍宗/氣宗大可不必,一出手有劍法也有內力才稱得上好功夫

      刪除
  10. 我都有追看味皇既BLOG,不過悟性太低,好多野都唔明

    而家手持778,市值高了,但唔知拎黎兌換邊一隻REIT好,HUTCHISON兄可否指教一下?

    回覆刪除
    回覆
    1. 也可以選擇按兵不動,出手換馬也要確保換回來的股票更高質:)
      師父d野好多時要睇多幾次先明,可以試試從財技篇開始

      刪除