2017年5月25日 星期四

繼續增持股票(25/5/17)

今日的購物清單:
1.以40.05的價錢買入800股中銀飛機租賃;
2.以10.16的價錢買入3000股HKT

2017年5月24日 星期三

組合變動 (24/5/17)

今日屋企人以$195的價錢出售100股港交所(388); 同時以$40.3的價錢購入500股中銀飛機租賃

2017年5月18日 星期四

持股近況(18/5/17)

近日hutchison capital的不少持股如載通(62)及港鐡(66)都急速上升:(

按道理我揸開呢d終極悶股應該係小幅上落收息為本, 而家既情況是十分少見, 好可能係不少投資者都認為大市已經升得相當高, 所以大量買入防禦型股票收息保本, 如果佢地個個都咁做就非常麻煩, 因為咁樣樣會令我好難再以合理價錢買入防禦型股票, 而家我好可能會嘗試買入一些防禦力較差但回報仍然可以接受的股票

暫時納入觀察名單的股票如下:
1. 招商局港口(144)
2. 中銀航空租賃(2588)
3. 新世界發展(17)
4. 香港電訊HKT(6823)
5. 滙豐(5)
6. 太古B(87)
7. 中國海外(688)
8. 合和實業(54)
9. 美麗華酒店(71)
10. 恆基地產(12)

不過我仍然拿不定主意, 所以未必會依照這個觀察名單去買, 當然也不建議各位去買, 始終現價徧貴

2017年5月13日 星期六

關於市場先生封筆的感想(12/5/17)

近日blog界的大事應該係市場先生封筆, 我記得當年認識市場先生係我在google search 合和實業(54)的資料以及股票分析文章時無意睇到佢個blog, 之後一直都有去睇佢寫折讓股, 相信不少blog友同我一樣都從市場先生身上學左唔少野

不過最近呢隻香港建設(190)我就覺得好奇怪, 根本唔似佢之前的選股風格, 原本想話去佢個blog問野結果得罪埋佢, 可能我用字唔小心啦(真係冇挑機既意思, 認識hutchison的人都知我甚少批評其他blogger), 因為你見佢之前寫過/佢個價值組合入面既折讓股, 好像合和(54), 永泰(369), 英皇國際(169), 廖創興(194)等等, 除左折讓大之外(PB低於0.5), 股息率通常都很高(>4厘息), 同埋已經很多年冇供股合股紀錄, 雖然呢d野成交較少, 但大家跟佢買呢d都應該幾安全下, 最多唔升咪收息囉, 如果呢d股升到較高水平又可以換馬至會德豐, 嘉里等仍有一定折讓的大地產股, 基本上呢個買法好安全, 升就賺價, 唔升就食息(折讓深的地產股有一定安全邊際), 但今次寫隻香港建設就真係R矖頭, 感覺上完全好似係另一個人寫咁

香港建設(190)初步睇PB0.24(Google search到), 折讓大, 但股息率得1.5%, 萬一買左之後三幾年股價唔升已經係對投資者好大懲罰(1.5%連通脹率都冇啦), 即係買得190本身就係搏爆升賺錢, 要搏股價爆升, 通常不外乎大股東私有化, 賣盤, 又或者係公司出售大量物業資產之後大派特別股息之類, 呢d野本身就係奇貨可居, 投資者要用低價收集大量股票再等消息, 而等幾耐就睇大股東幾時做野

但買呢d股,大股東想玩你好容易, 基本上睇佢心情, 近日最傷的股票例子就有1097有線, 原本好多散户(包括hutchison現實世界的一個朋友)買左1097, 佢地認為免費電視牌照奇貨可居, 想話搏升幅, 結果純官一招三供五就... 因為上市公司大股東的財力和散戶不可同日而語, 呢d細股市值咁細, 當190個大股東想整走你地班小股東, 佢可以折讓n成一供一之類做你世界, 而講緊可以佢只需要用十億八億就得, 我地作為散戶, 買番d大大少既, 即使買著新世界呢d, 當新世界三供一, 鄭家而家供股都要用起碼一百幾十億, 至少我可以make sure大股東唔會亂黎(至少唔會供股供到三供五之類咁過份), 合和永泰惠記呢類雖然市值較細, 但至少有其他基金/投資者幫你監察大股東(合和有基金股東, 永泰有新地, 惠記有新創建), 但香港建設印象中冇呢類投資者, 我好難make sure大股東有良心喎(換轉如果你係大股東供下股趕人落車就可以賺多十億八億, 你做唔做先?)

雖然190大股東一直都有keep著派息, 我地難保佢養兵千日用在一朝, 而市場先生雖然話冇推姐, 你搞個擂台班之後blog界已經咁多人(包括埋我)講呢野, 如果有人因為呢隻野輸錢(責任一定係佢地到), 但肯定對市場先生名聲有損, 或者應該話你提及呢隻野係瓜田李下, 惹人疑心

其實市場先生日後集中玩呢d高風險野, 封筆也不算壞事, 不過我希望佢可以保留個blog, 佢之前分析既股票如合和一類的確很有價值

希望寫呢篇文唔會令我得罪人啦




2017年5月10日 星期三

增持計劃遇上阻礙(10/5/17)

近日股市好像發生異常情況, hutchison所持有的新創建, 長江基建, 以及港鐡等都大幅上升, 雖然帳面獲利不少, 但之前增持新創建以至其他優質股票的計劃遇上阻礙, 倘若股市再行上升至更高水平, Hutchison Capital將會出售部分股票, 為往後日子發生股災做準備

2017年5月5日 星期五

增加資本 (5/5/17)

由於父母有一份約$200000的儲蓄保險到期, 他們不想再透過買保險投資, 但有感這筆錢擺在銀行不作任何投資十分浪費, 因此hutchison提出以下投資計劃並獲得通過:)
增加資本計劃要點:
把這二十萬元資金分作兩半:
1. Hutchison Capital將會以息率4%向父母借入$100000, 不論投資賺蝕, 佢地每年都可以獲得$4000利息收益
2. 另外的$100000將會投入於父母的股票戶口, hutchison會儘量選擇並買入投資回報率達8%的優質股票, 這投資組合一般而言不派息以保留股息再作投資, 不過可以因應特殊情況(例如兩老想去旅行之類)派發特別股息

我認為這投資計劃公平合理, 同時能夠提供每年計6-8%的投資回報

Hutchison Capital今日先動用$100000借款的一部分, 以24.65買入1200股載通(62)

2017年5月2日 星期二

[長文][Hutchison的投資理念][太古之道]烏龜也可以爬得很快, 爬得很遠

呢篇文章係上次講我唔科技股既姊妹篇, 主要講解我既投資理念以及策略

係我自學股票投資既過程當中有兩間企業係我腦海留下深刻印象, 熟悉hutchison既網友應該知道呢兩間企業分別係長江/和黃集團以及太古集團 :)

1. Hutchison的投資原則
長江同埋太古既格言分別係"發展中不忘穩健, 穩健中不忘發展" 和 "Esse Quam Videri" (拉丁語, 中文譯為求真務實)

我認為一位認真謹慎的投資者理應很注重投資項目的可持續性, 這些行業通常是能夠帶來穩定收益以及不容易被其他競爭者取代, 所以我投資的行業很多時具壟斷(monopoly)又或者寡頭壟斷(oligopoly)色彩, 這些行業包括了地產投資(收租), 電訊, 公共事業等等, 當然在道德上hutchison是一個不折不扣的rent-seeker(尋租的投資者), 你可以鄙視我, 但我認為這些行業的特性正是讓一個長線投資者能放膽投資的根本

長江系以穩定現金流見稱; 太古也有一糸列價值連城的中港收租物業, 我相信可持續的穩定收益是決定投資成敗的關鍵因素, 我的選股方針也深受它們影響

2. Hutchison Capital的定位與長江太古的定位

長江和太古集團都是香港着名的綜合企業, 現在有很多股票投資者對於綜合企業的態度負面, 因為他們認為綜合企業的折讓難以收窄, 很多時綜企的其中一個部門表現不濟(如太古的航空部門, 長和的Husky Energy)會拖累股價, 而其中一個部門的傑出表現(如太古地產, 長和的基建及電訊部門)又難以拉高股價, 因而認為購買綜合企業股票不如購買個別行業股票

但Hutchison向來不認為綜合企業應該遭到低估, 須知沒有人能預知哪一個個別行業今年好賺又或者經營困難, 例如航運以及採購行業曾經有過一段輝煌歷史, 但今日的生意就相當難做(參見近年東方海外及利豐年報可知一二) 如果投資者想長期成為該公司的股東, 該公司必須要狡兔三窟, 擁有不同收入來源以穩定盈利和股息分派, 以及為公司某一部門業績倒退做好準備

Hutchison可以肯定的說, 長遠而言投資綜合企業又或者擁有不同類別股票的投資組合,
投資者的回報不會比集中投資某一範疇業務的公司差, 儘管某一時段投資某些股票(可能是科技股, 金融股)能跑贏大市

Hutchison Capital本身就是以成為一間綜合企業為宗旨, 暫時我投資的股票(66, 315, 659, 778, 1038) 包括了地產, 電訊, 交通運輸以及基建行業, 我認為只有多元化而穩健的收益才能讓我們的投資有好結果

3. 審慎管理資本, 以及在適當時候調動資本去更高回報的地方

Hutchison有時俾人感覺在短炒股票, 我也必須承認我的買賣比較頻繁, 但這並非我很短視, 只注重股票短期升幅而忽視長期收益, 反而是因為股票的波動幅度很大而造就不少調動資本以獲取更大股息收益的機會

這個概念可能對於各位網友比較陌生, 因為傳統的價值投資會鼓勵長期持有以及對頻繁交易作出負面評價, 但在長江李氏身上我學習了一點就是沒有資產不可賣, 亦没有資產不可買, 例如在我首次買入新創建集團(659)時它的股價只是11.1(16年初,那時我還未開blog), 現在新創建的股價已經在14以上, 對於持有新創建的投資者而言, 11元的新創建以及14元的新創建没有太大分別, 因為基於長期持有的原則, 11元的新創建及升至14元的新創建都是派相同股息的股票, 但大家記得李氏曾經說我們應該去投資高投資回報的項目? 持有11元的新創建我可以獲得超過10%的回報率和超過5%的股息率, 但持有14元的新創建我只可以獲得約8%回報率和4.5%的股息率, 倘若同期的長江基建(或者其他股票)股價下跌而業績或者派息能保持相若水平, 我以相對較高的價錢出售新創建, 同時以相對較低的價錢買入長江基建, 將有助增加我的投資組合的股息收益和投資組合的成長能力, 並拉高整體投資組合的回報率以及股息收益率, 及後如果新創建和長建的股價走勢相反發展, 我們又可以把持有股票再作轉換, 通過反反覆覆的股票轉換我們就可以盡量讓自己的投資回報維持於較高水平而不至於失去長遠收益, 因為我們在不同時段都有持有這些優質股票

長江集團向來適時抛售部分資產, 同時進行其他投資, 例如近年李氏有感香港航運碼頭業以及港燈電力業務見頂, 便將之分拆上市, 用以套取資本, 投資海外更高回報的項目, 由此可見我們亦應該要適當時候進行買賣以unlock share value (釋放持股價值), 當然這些買賣時機的判斷需要建基於A. 我們對所持股票內在價值(intrinsic value)的認識以及B. 股票價格走勢之準繩判斷, 這兩點缺一不可

4. 烏龜也可以爬得很快 ------ 請不要忽視公用股/穩定收益股票的成長能力

Hutchison身邊有不少朋友都有投資股票, 不過他們提起公用股/Hutchison投資的主力股票都會認定這些防禦性股票成長力低, 長遠回報不及投資增長股

我在這裏有必要為公用股等防禦性股票作辯護, 就以公用股的表表者中電為例, 當大部分投資者以為中電就是每年派3-4厘息的公用股and nothing more的時候, 他們又是否知道投資大部分公用股(當然包括中電)每年的回報率可以達到6-8%? 而中電這種股票的股息分派又每年以和通脹率相約(大約3-5%)的幅度增長? 當然你可以argue話騰訊股價一年的升幅有20-30%, 好過我買埋d咩新創建一年收得4-5厘股息之類, 但騰訊這類股票的派息太低, 似有還無, 早年買入又怕賣出之後一去冇回頭, 結果你只能死揸唔放不能高賣低買

當然我必須承認Hutchison Capital的投資回報不能像大部份科技股成長股一樣有每年20-30%的回報率, 但Hutchison Capital採取的長期投資公用股再加上波幅操作所獲得的回報並不太低:
基本上Hutchison Capital的回報分為
A. 公用股的回報 (平均而言6-8%) 和
B. Ranging (波幅操作) (平均而言4-6%, 這是根據hutchison這兩年的投資紀錄估算出來)
加起來其實每年有10-14%的回報率(我相信在現今低息年代10-14%是一個相當不錯的回報率), 再加上公用股/防禦性股票提供予股票投資者的安全感(包括在股災之中公用股的抗跌力), hutchison相信集中投資防禦性股票的投資策略能夠超越大部分股票投資者的投資回報

所以hutchison希望告訴大家: 烏龜也可以爬得很快很遠, 希望大家不要輕視烏龜:)