2016年6月1日 星期三

換入808 (31/5/2016)

今日買入了泓富 (808) 3.00 x 6000股 (用早前賣435所得資金)
根據年報 808截至15年底續約租金仍然有所加幅 (~15%) , 預期今年可分派收入仍然有所提升
平均每平方尺租~22元上下

原先我以為踏入16年香港經濟應該較差, 整體租金應該有所下跌才是正理, 但租金下跌似乎只限羅素街地舖一類的高檔零售物業, 整體寫字樓租金仍然有温和升幅 (睇希慎, 太地, 合和 E-max等寫字樓的營運數據可知一二)

*香港真係一個好神奇既地方, 無論經濟好壞都可以加租既, 又唔見打工仔無論經濟好壞都有得加人工:(

題外話: 合和(54)
之前硏究808時想找一些位於觀塘的寫字樓尺租數字比較一下, 之後找不到就勉強用合和的九龍灣收租物業 (九展及E-max) 比較 (始終都係東九龍區, 如果用朗豪坊vs 808就冇意思了, 地理位置差異過大), 其實九展尺租仲係17.3/17.4每平方尺上温和增長, 應該係有水位有加租空間既項目, 合和公路收入近一兩年持平,可算OK既項目, 現價達5厘以及加上老細胡文新近半年不斷於24元附近水平增持都係正面因素, 不過悦來酒店收入下降, 大陸火電項目收入可能下降(參考同業華能華電), 人幤貶值風險又好似抵銷左上列既正面因素, 如果合和再平dd我會再考慮一下

5 則留言:

  1. 你觀察不錯。
    我仍在密切觀察租金變化,相對零售,寫字樓表現好似走得快,現在已返回正軌。
    提防民生走得最後。

    回覆刪除
    回覆
    1. 民生類別租金我還未摸清楚, 期待置富及領展在未來幾個月出中期報告, 可從中獲取一些具代表性的資訊

      刪除
  2. 香港是觀乎已發展地方中最容易炒人的地方,因為法例對勞方既保障太落後,所以國際大企業要裁員,首選往往是最賺錢既香港分部。

    回覆刪除
    回覆
    1. 已發展社會因為要提升資本運用效率而出現了不少合約制工作, 但這犠牲了一眾勞工的權益, 他們付出勞動力工作, 換來的卻是不穏定的收入及越來越不確定的career path, 香港, 日本都有這種情況, 所以作為小市民的我們要及早儲備資產保障自己

      刪除