今日以$14.22買入新創建集團2000股
新創建集團今日公布中期業績, 純利仍較去年有溫和增長, 這令我頗為意外, 因為在人民幤下跌, 港鐵南港島線開通, 以及出售新創建物流中心之後我估計經營溢利會有小幅度下跌, 新創建的表現比我想像中更出色
加上新創建在日前已經償還5億6.5%年息的美元債, 財務利息支出將會減少, 加上港怡醫院今年落成, 我預期醫院以及飛機租賃業務未來幾年都可以作為新創建的增長動力
惟一令人擔心的就只有會展業務, 因為設施管理業務收益已經連續下跌幾年
策略性投資向來係我最討厭的一部分, 唔知點解新創建會揸著一堆蟹股, 年年蝕到媽媽聲都死攬唔放, 不過今年新創建開始賣走新礦資源, 我期望佢可以盡快清走d蟹股套現, 再投資外國基建就最好
雖然今日買入價較高, 買入之前已經有心理準備會有帳面虧損, 不過如果新創建股價下跌至合適水平我仍然會增持, 直至用盡上次套現信和及新創建所得現金為止
業績ok！收貨。
回覆刪除我也收貨, 聽日就到新世界同埋信置, 十分期侍
刪除非常好，除之外，還有希慎安踏新地，全是我留意對象。
刪除昨日略略研究新創建的業務，其實都幾好同好穩陣，發電公路隧道巴士，資產質素佳(除了如Hutchinson 兄所言的戰略性投資)只係不太喜歡純官為人, 但希望日後亦能吸納此股
刪除係鄭家的壞名聲使新創建價值未能反映, 倘若新創建的大股東由嘉道理家族或者swire家族擔當, 新創建可以獲得更高估值
刪除十分同意 Hutchinson 兄所說的
刪除壞名聲使新創建價值未能反映,可講多d嗎?另外14.92是否應沽,突破唔到咁
回覆刪除google下新世界+財技就知道了, 要幾多有幾多
刪除價位方面我俾唔到意見你, 自己決定啦!
下次可以留名交流:)