今日睇財經新聞話新世界發展今年賺多左31%, 其實新世界發展折讓大, 股息率高, 土地儲備充足, 加上新世界中心今年落成, 原本hutchison也好有興趣購買小量新世界股份, 相信樓市向好能讓新世界盈利上升
賺多左31%就當然要睇下份中期報告, 不過睇完hutchison對新世界發展既好感一下子消失左, 仲好有預感要供股
新世界今年現金由540億增加至680億, 初頭我以為係賣樓賣得順利套現現金, 不過睇真d又唔覺, 因為今年賣樓賣左130億, 舊年就賣左170億... 明明今年賣樓比舊年少, 邊得黎咁多錢呢? (新世界的主要盈利同新地恆地唔同, 賣樓佔多數, 收租+新創建+新百貨只佔1/3左右)
雖然我只係讀過一個會計101的course, 但A=L+OE這條公式我都識, 明明今年賣樓又唔係賺得特別多, 資產方條數又大左咁多, 通常都係借多左錢啦係咪?
原來今期新世界發行左12億美元(約94億港元)5.75%永續債, 由於永續債只還息不還本, 所以計入資產方, 帳面上負債下降(但實際上增加左債務, 非股本權益=負債), 再睇番份balance sheet同埋主要收購方面, 銀行借貸約增加了100億至1250億, 再加上增加左30億非控股權益至240億(優先股?或者其他計落股東權益部分既負債), 前前後後新世界借多左230億, 230-140=90億, 睇番
主要收購我地睇到新世界係深圳投地用左大約100億, 今年條大數大致係咁上下 (當然遲下長沙灣塊地中標要俾多80億, 俾現金/再借錢就下回分解)
其實新世界發展已經比其他三大重債, 舊舊年頭先私有化新世界中國, 今年又借多230億投地起樓, 樓市好就好, 樓市冧左睇怕要問各位股東供番一百幾十億填數(我相信新世界中心既租金收入係鄭家借230億既基礎, 不過一旦經濟唔好租金減少就大煲, 雖然暫時睇cashflow冇大問題), 而鄭家又有錢又奸係人都知, 供股一定唔會係10供1咁濕濕碎, 買得新世界要至少準備多一半錢以防鄭家打劫(最壞打算係2供1), 睇黎買新世界只能透過股數增加, 而非股價升幅獲利:(
我要買都係買番阿仔新創建算數, 地產股買d輕債既好
多謝分析,但你也知我對新世界有些情意結,就是因為新世界有牙疵,所以折讓也較大,若供股令股價下跌,我會入些貨。
回覆刪除低價供股通常有賺, 我也會買d黎供
刪除負債係高d,但仲可以接受,希望鄭志剛會有良心d
回覆刪除希望第三代會好人d
刪除我希望新世界改善公司的營運。
回覆刪除其實第三代表現算唔錯, 不過鄭家慣玩財技, 唔知會唔會重操故業:)
刪除鄭家D 股真係唔敢掂!! 這是我個人的偏見:P
回覆刪除新創建會好一點, 公用股黎計平過所有大陸公用股, 質素當然及唔上中電呢類傳統公用股, 但大陸基建股佢排第一
刪除大陸有咩基建股,659起基建係咪旗下既協興起?
回覆刪除大陸有光大國際257, 北控水務371, 粵海270之類, 粵海最好(香港東江水業務,同打劫冇分別), 不過大陸股偏貴息率低, 我冇興趣
刪除協興主要係HK起醫院, 住宅及其他基建項目, 你可以google hip hing construction睇下佢有d乜野