今日hutchison同埋屋企人分別以$10.9的價錢買入數碼通(315)(各自買入2500股), 資金來自上次沽出信和之後的多餘現金
由於電能(6)的特別息以及我同屋企人持有的股票, 好像長建(1038), 希慎(14)都即將公布業績及派息, 大量閒置現金需要尋找投資機會, 本來希望過左業績期再擇優而買, 但近日市場亢奮, 如果再等待多一兩個月可能股市已經升得不合理地高, 到時即使公司業績良好也買唔落手:(
數碼通(315)聽日出業績, 倘若今年可以維持以往派息(27+33=60仙/股), 息率>5%, 況且數碼通(315)處於浄現金水平, 比起其他電訊股如電盈(8), 和電(215), HKBN(1310), HKT(6823)坐得安心一點(當然HKT更高息率, 此乃數碼通之缺點)
希望今次沒有做錯決定:)
剛巧我正讀數碼通年報。
回覆刪除年報有講派息17年盡可能維持，不過佢平時都派得幾盡，有少少風險。
始終行業競爭係大，特別有些打正旗號平字，質素有可以。
去年派80%左右, 如果可以推到100%應該可以支撐派息
刪除和記兄，此者缺乏一樣很重要既野——規模優勢，所以其邊際利潤遠遠少於大型電訊商，而且相對有絕對優勢的大型電訊商估值也不算便宜, 而派息要靠大幅推高派息比率才能勉強維持，個人覺得已屬警號。
回覆刪除我也考慮過這問題, 但稍後頻譜牌照會重新洗牌, 315持有較多現金, 有機會擴大版圖? 遲少少可能買埋6823大小通吃:)
刪除和記兄, 要買就買行業內最好的, 大小通吃不算分散投資, 共勉之:)
刪除不知香港的電訊業點? 普通市民多數用邊間電訊商呢? 早幾日HKT大跌想買, 股息都>6, 不過好擔心利潤不能維持...
回覆刪除PS. 不是香港人:P
香港主要係四大電訊商: HKT, 和電, 中移香港, Smartone; 市佔率大約35/25/25/15? 咚兄話數碼通缺乏規模優勢, 因為Smartone市佔率最小, 不過我認為隨著頻譜重拍HKT規模有可能縮, 中移smartone有可能得米:)
刪除老王兄係澳門人? 我想知多d CTM(1883) 同埋賭股既野, 身為地頭蛇的你可以分享一下嗎? :)
刪除說來慚愧, 小弟身為澳門L 係賭股上都損手爛腳, 賭股長遠我都睇好不過現價太貴, 如果賭收跟不上就會有個深調, 到時或者係機會
刪除CTM 基本上有政府包庇所以都好穩定, 另一間公司雖然搶緊市佔不過只係係家居寛頻,而家仲要係拉線中的階段好多地區都無光纖到, 要影響到CTM 要長D 時間..不過CTM 就無乜大發展, 我反而睇好1883 係香港發展的datacenter :)
留言好像被食了?
刪除已撈回:
刪除說來慚愧, 小弟身為澳門L 係賭股上都損手爛腳, 賭股長遠我都睇好不過現價太貴, 如果賭收跟不上就會有個深調, 到時或者係機會
CTM 基本上有政府包庇所以都好穩定, 另一間公司雖然搶緊市佔不過只係係家居寛頻,而家仲要係拉線中的階段好多地區都無光纖到, 要影響到CTM 要長D 時間..不過CTM 就無乜大發展, 我反而睇好1883 係香港發展的datacenter :)
CTM和 和記兩間我都用過，感覺無邊間特別出色或特別穩定，身邊朋友都是用CTM或和記，少人數碼通和中國電訊，我自己現在用緊和記
刪除呢隻要守,加息週期未必夠吃香
回覆刪除期望數碼通能在未來幾年搶佔市估率, 幸好加息速度不算快, 相信未來一兩年仍然可以維持股息
刪除之前都有買過，貪佢背後有新地支持和業務穩定，而且可以以股代息，只係電訊行業的前景不明，未必適合超長線投資，所以沽左
回覆刪除所以電訊股比其他公用收租股高息, 相信這反映了電訊行業的激烈競爭
刪除數碼通,除淨日定除淨日前入好?
回覆刪除價位方面我俾唔到意見你, 自己決定啦!
刪除下次可以留名交流:)