2017年8月20日 星期日

升市不爽跌市快樂 (19/8/17)

hutchison係一個專注投資具穩定收益以及防禦性股票既投資者, 雖然我唔希望有投資者因為股市調整而損兵折將, 但我確實較喜歡跌市多於升市

因為持有防守性股票例如中電之類係升市係相當蝕底既, 有謂"升市莫估頂", 但唔適用於防守性股票。因為中電呢類股票既派息政策以及業績能見度高, 即使好似我地呢d散戶(沒有資訊優勢既投資者)睇年報睇presentation已經估得到未來一兩年間公司既業務做成點, 派息通常都係預期之內。所以大部分投資者(包括散戶)都對呢類股票既估值有一定共識, 呢類股票既特性就係股價穩定, 波幅徧小; 不過有得必有失, 當大家計得到間公司大概值幾錢, 自然而然地你投資係防守性股票既投資表現唔會太高(基於大部分投資者對公司估值及出價接近, 我們好難高賣低買, 有別於其他投資者, 不論係價值型投資者或者趨勢型投資者)

所以買得防守股票, 我地同大市表現已經分道揚鑣

遇上升市, 大部分投資者都應該對呢類防守性股票冇乜興趣, 因為隨便買一隻兩隻popular既股票已經可以一日升一成半成, 抵得上我收成年股息有餘, 有次同朋友食飯談論投資, 佢成日話買呢些(即係我持有的659, 1038等等)一年先收到幾percent股息好慢, 呢個本身係投資防守股票既缺點, 我亦解䆁左我既投資策略俾佢聽, 投資防禦性股票, 本身係不求有功, 但求無過既行為, 當投資市場調整我地就有出手機會

遇上跌市, 很多股票都有很大跌幅, 但防禦性股票既低波幅性保障左我地, 倘若遇到優質投資機會, 我地可以把手上股票賣出套現作出新投資(由於我地d股票跌幅較小, 較小機會出現賤賣資產既不幸事件); 倘若我地沒有新投資機會, 亦可以繼續持有已有股票資產, 反正我地d股票具穩定派息, 甚少出現質素轉差而需要棄子既機會

大市升跌於我而言並不重要, 只係反映投資者對於股票資產既樂觀/悲觀程度, 不過大部分投資者悲觀一點肯定於我有利, 所以惟有黑心一點期待股市下跌了:)

10 則留言:

  1. 股災時乜股都跌,但公用股跌幅會少得多,我試過股災後換馬,將跌幅2成的港燈援入跌幅6成的長江.

    回覆刪除
    回覆
    1. 當然最理想是股災前清倉.待股災才入市,但自問吾夠功力,能準確測到股災何時出現

      刪除
    2. 始終難以預測股災, 買入最優質的防守性資產等爆煲會合理一點

      刪除
    3. 既然可以買入4折的長江, 那麼2成跌幅亦算不上賤賣資產資產:)

      刪除
  2. 的確是這樣, 如果目標單是收息而不是增長, 這個玩法已足夠.

    回覆刪除
    回覆
    1. 對啊, 這個方法適合心血少承受不了大波幅的一般人:)

      刪除
  3. 跌市正有同感 尤其做收息的 一大跌買就可提升息率 若捕捉到靚息率就可作超長線投資了( ´▽` )ノ

    回覆刪除
    回覆
    1. 對啊, 跌市尋寶容易得多, 冇人同你爭:)

      刪除
  4. 和記兄呢篇文,睇完令我個心舒服晒.......

    回覆刪除