承上篇, 點解話今次會搞到d發展商變曬恆隆(101)呢?
hutchison相信調高印花稅會減慢發展商散貨速率, 呢樣應該冇乜懸念
因為投資客/收租佬應該會放棄再買入細單位收租, 轉戰車位工廈寫字樓之類的...
上車客只會買一個啫, 一炮過買n個(父/母幹)比較少掛... 因為咁有錢既人之前已經揸唔少物業, 無謂再係流通量低既住宅物業玩, 租金回報低...又難轉手
發展商散貨慢左(少左投資者同佢10個/8個去買), 但叫發展商減價又唔得, 因為胡亂減價除左會賺少左之餘又推冧市, 20/30伙咁慢慢推會對發展商好d, 有望維持高位散貨, 但去貨慢就預左
結果會係各大發展商囤貨慢慢散貨, 發展商既財政狀況就好重要, 因為現金流回蘢減慢, 揸最多現金及最少借錢, 又有較多收租物業既地產商應該最穩陣
所以hutchison今日提議屋企人買信和(83), 年收租33億加上逾200億淨現金這兩點有助信和(83)度過今次難關
P.S. 今日以$11.9買入信和(83) 2000股
非常好，還要慢慢捱。
回覆刪除留意住信和買地節奏，最近跟新地大哥買了黃竹坑塊地，想了解多些這區，投資都唔細。
信置較少旗艦商廈。
相信信置近年會轉型為恆隆一樣, 收租物業佔收入比率更高：）
刪除信和是唯一淨現金藍籌地產股,我本想待明天美國大選後,就買下信置第一注,但再加研究加辣內容後,使我有些保留,都係看清前景才再作打算.
回覆刪除所以買一些收租股或淨現金發展商股票比較穩陣：）
刪除